İstanbul səyahəti, tarixi və mədəni görməli yerlər

Sultanəhməd meydanı İstanbulun tarixi mərkəzi olaraq tanınır və burada şəhərin ən möhtəşəm abidələri yerləşir. Burada yerləşən Ayasofya bir zamanlar xristian kilsəsi, daha sonra isə məscid kimi fəaliyyət göstərmiş, bu gün isə muzey olaraq xidmət edir. Memarlıq baxımından möhtəşəm olan Ayasofya özünün böyük qübbəsi və zərif mozaikaları ilə ziyarətçiləri valeh edir. Ayasofyanın yaxınlığında yerləşən Sultanəhməd Məscidi (Mavi Məscid) Osmanlı dövrünün ən gözəl nümunələrindən biridir. Məscid, içərisindəki mavi çini naxışlarına görə "Mavi Məscid" adlanır və hələ də ibadət məkanı kimi fəaliyyət göstərir. Sultanəhməd meydanında gəzərkən həm də Topqapı Sarayı ilə tanış ola bilərsiniz, bu saray, Osmanlı sultanlarının əsrlər boyu yaşadığı məkan olub və bu gün şəhərin ən mühüm muzeylərindən biridir.

İstanbul zəngin tarixi və mədəniyyəti ilə dünyanın ən maraqlı şəhərlərindən biridir. Şəhərdə yerləşən çoxsaylı muzeylər ziyarətçilərə müxtəlif dövrlərin izlərini və sənət əsərlərini təqdim edir. Ayasofya, Topqapı Sarayı, İstanbul Arxeologiya Muzeyi kimi tarixi yerlərdən tutmuş, İstanbul Müasir Sənət Muzeyi və Rahmi M. Koç Muzeyi kimi müasir incəsənət və texnologiya mərkəzlərinə qədər müxtəlif mövzuları əhatə edən bu muzeylər, şəhərin keçmişindən günümüzə qədər olan geniş bir mədəni xəzinəni nümayiş etdirir. Hər ziyarətçi bu muzeylərdə İstanbulun tarixi və mədəni irsini daha dərindən anlamaq imkanı tapır.

İstanbulun ən məşhur küçələrindən biri olan İstiklal prospekti hər gün minlərlə insanın gəzinti üçün seçdiyi məkandır. Burada yerləşən butik mağazalar, kafelər və sənət qalereyaları şəhərin ən canlı məkanlarını təqdim edir. Gecə saatlarında isə İstiqlal gecə klubları və barları ilə əyləncə həvəskarlarını bir araya gətirir.

İstanbulun ən böyük bazarı olan Qapalıçarşı tarixən ticarətin mərkəzi olmuşdur və bu gün də şəhərin ən məşhur ticarət mərkəzlərindən biridir. Burada yüzlərlə mağaza mövcuddur və siz burada ənənəvi türk zərgərlikləri, xalçalar, ədviyyatlar və digər suvenirlər tapa bilərsiniz. Qapalıçarşı alver etməyi sevənlər üçün unudulmaz bir təcrübədir və burada alış-veriş etdikdən sonra şəhərin ən qədim bazarlarından birinin atmosferini hiss edə bilərsiniz.

Səyahət üçün bölgələri ayırmaq daha yaxşı olardı. Sultanəhməd bölgəsi, Boğaz xətti, oradan Taksim-Beyoğlu tuneli, Kapalıçarşı bölgəsi, Nişantaşı, Bağdat küçəsi, Yeşilköy ayrı-ayrılıqda ziyarət edilə bilər. Taksimdən Nişantaşı, Bağdat Prospekti və Yeşilköyə də mikroavtobus nəqliyyatı mövcuddur. İstanbulda çoxlu muzey olduğundan, ziyarət edərkən muzey kartı almaq yaxşı bir həlldir. Xarici vədəndaşlar üçün 80 TL olan Muzey Pass kartı var. Muzey kartlarınızı Ayasofya, Topqapı Sarayı kimi turistik yerlərdən və ya onlayn əldə edə bilərsiniz. İstanbula səyahət planlaşdırırsınızsa, müntəzəm uçuşlarımızla rahat səfər edə bilərsiniz. Bilet əldə etmək üçün saytımız və ya mobil tətbiqimizdən istifadə edin.

İstanbul Türk mətbəxinin ən möhtəşəm ləzzətlərini dadmaq üçün ideal bir şəhərdir. Şəhərə gələn hər bir ziyarətçi ilk növbədə məşhur kababları sınamalıdır. Bununla yanaşı, lahmacun da çox sevilən yeməklərdən biridir. Pide, xüsusilə Kaşarlı Pide və ya Karışık Pide kimi növləri ilə fərqlənir və pizza sevənlərin Türk versiyasını dadmaq imkanı yaradır. Dəniz məhsulları sevənlər üçün isə balık ekmek əvəzolunmazdır. Boğaz sahilində təzə balıqla hazırlanan bu sandviç İstanbula xas küçə yeməklərindən biridir. Şirinliyyatlara gəldikdə isə, baklava və künefə kimi ləzzətlər Türk mətbəxinin zəngin şirniyyat ənənələrini nümayiş etdirir. İstanbulda bu məşhur yeməklər yalnız şəhərin deyil, bütün Türk mətbəxinin dadını kəşf etməyə imkan yaradır.