Paris səyahət bələdçiniz

Parisdə üç əsas hava limanı var: Charles de Gaulle (CDG), Orly (ORY) və Beauvais-Tillé (BVA). CDG şəhərin əsas beynəlxalq hava limanı olaraq ən çox ziyarət edilənlər sırasındadır. Bakıdan bu hava limanına birbaşa uçuşlar mövcuddur. Orly hava limanı isə daha çox Avropa və daxili uçuşlar üçün istifadə olunur. Beauvais-Tillé hava limanı aşağı büdcəli avidaşıyıcıları ilə məşhurdur, nəticədə hava limanında kiçik büdcə ilə səyahət edən turistlər çoxluq təşkil edir.Hava limanlarından şəhər mərkəzinə çatmaq üçün RER qatarları, RoissyBus və OrlyBus avtobusları və ya taksilərdən istifadə edə bilərsiniz. RER qatarları və avtobuslar daha münasib qiymətə malikdir, taksi isə daha rahat bir seçimdir.

Paris şəhərində səyahət edərkən nəqliyyat vasitələri haqqında məlumatlı olmaq vacibdir. Metro, avtobus, velosiped və ya piyada olaraq şəhəri kəşf etmək üçün geniş imkanlarınız var. Parisin metrosu şəhəri kəşf etmək üçün ən sürətli və effektiv yoldur. 16 fərqli xətti olan Paris metrosu 05:00-00:30 arası işləyir. Gedişlər işə gediş və çıxış saatlarında 2-3 dəqiqədən bir, normal saatlarda isə hər 5-10 dəqiqədən bir təşkil edilir. Hər xəttin öz rəng tonu var. Hər dayanacaqda xəritələrdə harada olduğunuzu və ətrafdakı məntəqələri asanlıqla yoxlaya bilərsiniz. Metro biletlərini stansiyanın girişindəki avtomatlardan asanlıqla ala bilərsiniz.Eləcə də şəhərin müxtəlif yerlərini kəşf etmək üçün Parisin avtobus şəbəkəsindən istifadə edə bilərsiniz. Avtobus marşrutları şəhəri daha geniş perspektivdən görməyə imkan verir.

Paris yaşayış baxımından bir çox variantı olan bir şəhərdir. Lüks yaşayış ünvanlarından tutmuş büdcəyə uyğun alternativlərə qədər geniş çeşid var. Paris deyəndə ağla gələn bölgələr bunlardır: Yelisey və St. Germain, Le Marais, Luvr və Montmarte. Lüks və komfortlu otellərin yerləşdiyi bu bölgələrin ən böyük üstünlüyü bir çox yerə piyada getmək imkanıdır. Büdcəyə uyğun imkanlar üçün isə Saint Paul, La Ferriere Street və Saint Denis kimi əraziləri seçə və erkən rezervasiya imkanlarından yararlanaraq plan qura bilərsiniz.

Eyfel qülləsi Parisin simvolu olmaqla yanaşı, dünyanın ən məşhur tikililərindən biridir. Qüllənin zirvəsindən şəhərin bənzərsiz mənzərəsini seyr etmək unudulmaz bir təcrübədir. Parisi muzey şəhəri adlandıra bilərik. Şəhərdə Luvr muzeyi, Orsay muzeyi, Notr Dam muzeyi, Fransız Tarixi muzeyi kimi bir çox muzey var. Həmçinin, Sevgi Körpüsü (Pont de l'Archevêché) adlanan və sevgililərin tez-tez ziyarət etdiyi Sena çayı üzərindəki körpüyə arzu tutaraq qıfıl asa bilərsiniz.

Parisin kafe mədəniyyəti dünya miqyasında məşhur olub, şəhərin yaşam tərzinin ayrılmaz hissəsidir. Şəhərin hər küçəsində, demək olar ki, hər addımda ənənəvi Paris kafesinə rast gəlmək mümkündür. Bu məkanlarda oturub bir fincan qəhvə içmək əsl Paris atmosferini hiss etmək deməkdir. Café de Flore və Les Deux Magots kimi tarixi kafelərdə oturaraq kruassan və espresso ilə səhər yeməyi etmək şəhərin həyat ritmini müşahidə etmək üçün ideal seçimdir. Əsrlər boyu məşhur yazıçılar, rəssamlar və filosoflar burada ilham almış, öz əsərlərini yaratmışlar. Belə ki, Parisdə kafe mədəniyyəti sadəcə bir qida təcrübəsi deyil, həm də şəhərin ruhunu anlamaq üçün əvəzolunmaz bir fürsətdir.

Paris dünya miqyasında ən məşhur kulinariya mərkəzlərindən biri olaraq müxtəlif yemək təcrübələri təqdim edir. Şəhərdə yüksək reytinqli restoranlardan tutmuş, sadə və səmimi kafelərə qədər geniş çeşidli məkanlar mövcuddur. Burada hər bir yemək təcrübəsi, əslində bir səyahətdir. Coq au vin (şərabda bişmiş toyuq), escargots (ilbiz) və crème brûlée kimi klassik Fransız yeməkləri Fransız mətbəxinin incəlikləridir. Bu yeməklər uzun illər ərzində təkmilləşdirilmiş ənənəvi reseptlərə əsaslanır və hər bir qonağa unudulmaz bir kulinar zövq yaşadır. Hər bir restoranın menyusu xüsusi diqqətlə seçilmiş məhsullardan ibarətdir və hər bir yemək incəliklə hazırlanaraq təqdim olunur.