Şengen vizası necə almaq olar?

Azərbaycan Hava Yolları ilə Şengen zonasına birbaşa uçuşlar təklif edən bir çox ölkə mövcuddur. Bu birbaşa uçuşlar səyahətinizi daha rahat və vaxt qənaətli edir, sizi seçdiyiniz Avropa şəhərlərinə tez bir zamanda çatdırır. Həm turizm, həm də işgüzar səfərlər üçün ideal olan bu uçuşlarla Şengen vizası ilə daxil ola biləcəyiniz bir çox maraqlı və tarixi yerləri ziyarət etmək mümkündür. Azərbaycan Hava Yollarının uçduğu Şərqi, Mərkəzi və Qərbi Avropadakı Şengen ölkələri:

Şərqi Avropa

-Polşa

-Çexiya

-Macarıstan

Mərkəzi Avropa

-Almaniya

-Avstriya

-İsveçrə

Qərbi Avropa

-Fransa

-İtaliya

-İspaniya

-Niderland

C kateqoriyalı Şengen vizası ən geniş yayılmış viza növüdür və əsasən turizm, işgüzar səfərlər və ailə ziyarətləri üçün nəzərdə tutulmuşdur. Bu viza ilə səyahətçilərə Şengen zonasında 180 gün ərzində maksimum 90 gün qalmaq imkanı verilir

Tranzit vizaları Şengen zonasında yalnız keçid üçün nəzərdə tutulmuş xüsusi vizalardır və iki əsas kateqoriyaya bölünür:

A kateqoriyalı viza (Hava limanı tranzit vizası): Bu viza yalnız beynəlxalq hava limanlarında tranzit zonasında qalmaq üçün verilir. Bu vizaya sahib olan şəxslər Şengen zonasına daxil olmadan və sərhədi keçmədən bir Şengen ölkəsinin hava limanından başqa bir ölkəyə uçuşlarını gözləyə bilərlər. A kateqoriyalı viza Şengen zonasına daxil olmaq hüququ vermir və yalnız hava limanının tranzit zonasından kənara çıxmamağı tələb edir.

B kateqoriyalı viza (Quru yolu ilə tranzit viza): Bu viza Şengen zonasından keçməklə başqa bir ölkəyə gedən səyahətçilər üçün nəzərdə tutulmuşdur. B kateqoriyalı viza ilə səyahətçilər Şengen zonasından avtomobil, qatar və ya avtobus vasitəsilə keçə bilərlər.

D kateqoriyalı Şengen vizası uzunmüddətli səyahət və ya yaşayış məqsədləri üçün verilir. Bu viza növü Şengen zonasında altı aydan artıq qalmaq istəyənlər üçün nəzərdə tutulmuşdur və səyahətçilərə həmin ölkədə yaşamaq, işləmək və ya təhsil almaq imkanı yaradır. Bu viza növü ilə digər Şengen ölkələrinə də səyahət etmək mümkündür, lakin əsas yaşayış yerinin vizanı verən ölkə olması tələb olunur.

Şengen vizasına müraciət etməzdən əvvəl bu sənədləri topladığınıza əmin olun.

-Düzgün doldurulmuş və imzalanmış viza ərizə forması

-Etibarlı pasport (ən azı iki boş səhifə ilə)

-Son 6 ay ərzində çəkilmiş iki ədəd biometrik şəkil

-Səyahət tibbi sığortası

-Bilet rezervasiyası

-Otel rezervasiyaları və ya səyahət zamanı qalacağınız ünvanların siyahısı

Şengen vizasına müraciət etməzdən əvvəl aşağıdakı tələb olunan əlavə sənədləri də hazırlamağı unutmayın.

-Maliyyə vəziyyətinizi təsdiq edən sənədlər (bank çıxarışları, maaş arayışları)

-İş yerindən arayış və ya təhsil müəssisəsindən təsdiq məktubu

-Ailə bağları təsdiq edən sənədlər (nikah şəhadətnaməsi, doğum haqqında şəhadətnamə)

Müraciət prosesində aşağıdakı addımları izləməyi tövsiyə edirik. Qeyd edək ki, bu mərhələləri keçdikdən sonra visa almaq imkanına sahib olacaqsınız.

-Sənədlərin hazırlanması: Yuxarıda sadalanan sənədləri tam və düzgün şəkildə hazırlayın.

-Viza randevusu: Onlayn və ya telefon vasitəsilə səfirlikdən və ya viza mərkəzindən görüş alın.

-Viza haqqının ödənilməsi: Müraciət prosesinə görə ödəniş edin. Bu məbləğ ölkəyə və vizanın növünə görə dəyişə bilər.

-Müsahibə: Əgər tələb olunarsa, səfirlikdə müsahibəyə qatılın və əlavə suallara cavab verin.

-Nəticənin gözlənilməsi: Müraciətiniz qəbul edildikdən sonra vizanın təsdiqlənməsini gözləyin və pasportunuzu səfirlikdən götürün.

Bu addımları izləməklə Şengen vizasını uğurla əldə edə bilərsiniz və Avropanın gözəl şəhərlərini rahatlıqla gəzə bilərsiniz.