Tbilisidə görməli olduğunuz 10 məşhur yer

Xüsusi memarlıq dizaynı ilə Tiflis Opera və balet teatrı ən diqqət çəkən binalardan biridir. 1847-ci ildə təməli qoyulan bina 170 illik tarixi ilə görənləri valeh edir. Memarlıq xüsusiyyətlərinə və şəhərin simvolik tikililərindən biri olduğuna görə mütləq ziyarət edilməli yerlərdən biri hesab olunur.

Kilsələri, monastırları, qalaları və kafedralları ilə diqqət çəkən Tbilisi şəhəri, Müqəddəs Trinitry Katedrali ilə də diqqət mərkəzində olmağı bacarır. Tarixi Avlabari rayonunda yerləşən kafedral Elia təpəsində yerləşir. Bu kafedralın ən böyük xüsusiyyəti onun əsas pravoslav kilsəsi hesab olunmasıdır. Bu həm də dünyanın üçüncü ən hündür pravoslav kilsəsidir. Sameba Katedrali kimi tanınan bu tikili 1995-2004-cü illər arasında tikilib.

4-cü əsrə aid, Tbilisi qalası kimi də tanınan Narikala qalası valehedici görünüşə malikdir. Şəhərin yüzlərlə illik tarixinə işıq salan qalanın içərisində Müqəddəs Nikolay kilsəsi yerləşir. Şəhərə uzaqdan baxmaq istəyənlər üçün Narikala qalası Tbilisinin simvolik strukturlarından birinə çevrilməyi bacarır. Qala 24 saatlıq xidməti sayəsində istədiyiniz zaman ziyarət edə biləcəyiniz yerdir.

Gürcüstan xronikasına səfər edərək Tbilisi fərqli tərəflərini görə biləcəksiniz. Gürcüstanın tarix memorialı və gürcü Stounhenci kimi də tanınan abidədə Gürcüstan tarixi, məşhur ədəbi əsərləri və xristianlığın ölkədəki rolu əks olunub. Bir tərəfdən canlı sovet arxitekturasına, digər tərəfdən isə Tbilisi su anbarına açılan mənzərəsi bu yer şəhərin izdihamından qaçmaq üçün idealdır və xüsusilə, gün batımında heyrətamizdir.

Tbilisinin digər göz qamaşdıran abidələri ilə yanaşı, Mtatsminda Parkı da ziyarətçilərinə valehedici mənzərə təqdim edir. Dönmə çarxını şəhərin hər yerində görmək olar. Ziyarətçilər parkdakı dönmə çarxında əylənməklə yanaşı, həm də şəhərin və Qafqaz dağlarının bənzərsiz mənzərəsini seyr edə bilərlər.

Tbilisinin kükürd vannaları uzun müddətdir ki, gürcü mədəniyyətinin əziz hissəsi olub, həm yerli sakinlər, həm də qonaqlar üçün istirahət və müalicəvi faydalar verir. Tarix və ənənələrlə zəngin olan bu hamamlar Gürcüstanın paytaxtının unikal kimliyinin formalaşmasında mühüm rol oynamışdır.

Sülh körpüsü Kür və ya Mtkvari çayı üzərində tikilmiş, şəhəri İçərişəhəri ilə birləşdirən piyada körpüsüdür. Sülh körpüsü adlandırılan tikili cəmiyyəti bir araya gətirməyi simvolizə etdiyi bildirilir. Paytaxtın diqqətçəkən işlərindən biri olan bu körpü xüsusilə formasına görə turistlərin diqqətini çəkməyi bacarır. Körpünün bir tərəfində Rika parkı yerləşir. Parkda dincəldikdən sonra körpünü keçərən İçərişəhərə yollana bilərsiniz.

Tbilisinin görməli yerləri əksərən Köhnə Tbilisidə toplanıb və buna görə də turistlərin çox ziyarət etdiyi yerdir. Bu rayon - Abanotubani - hələ də fəaliyyət göstərən kükürd vannaları ilə seçilir. Kilsə və muzeylərlə yanaşı, məşhur restoranların, açıq səma altında kafelərin, gecə klublarının, qalereyaların və s. yerləşdiyi Şarden küçəsi də buradadır.

Şəhərlərin ruhunu almaq üçün ən məşhur meydanları ziyarət etmək və səyahətə bu nöqtələrdən başlamaq vacibdir. Tbilisinin ən mühüm mərkəzi nöqtəsi olan Azadlıq Meydanı 19-20-ci əsrlərin ruhunu əks etdirən memarlıq elementləri ilə diqqəti cəlb edir. Garetubani kimi tanınan bu meydan 1800-cü illərin əvvəllərinə qədər şəhərətrafı ərazi olub, lakin Azadlıq Meydanı adlandırıldıqdan sonra şəhərin mərkəzinə çevrilib. Şəhər tarixi baxımından da əhəmiyyətli bir nöqtə olan Azadlıq Meydanı turistlərin tez-tez ziyarət etdiyi yerdir.

Tbilisinin əsas küçəsi olan Rustveli küçəsi sizə şəhərdə zamanda səyahət edirmiş kimi hiss etdirəcək. Şəhərin əsas görməli yerlərindən biri olan bu küçədə bir çox tarixi və tanınmış yerlərə çata və ya gizli yerlərə rast gələ bilərsiniz. Parlament binası və opera binası kimi mühüm məkanlara ev sahibliyi edir. Tiflisə ilk dəfə gələnlərin yolları mütləq bu küçə ilə kəsişməlidir.

Shardeni küçəsi Tbilisidə Yuxarı Kala rayonunda, Vaxtanq Qorqasali meydanı ilə Sioni küçəsi arasında yerləşir. Küçə hər zaman Tbilisidə mədəni və sosial həyatın mərkəzlərindən biri olub. Shardenidə çoxlu sənət qalereyaları, şüşə emalatxanaları və digər əl işləri, həmçinin bar və restoranlar var. Tbilisiyə səyahət zamanı şəhər haqqında məlumatlardan istifadə edərək xoş tətil keçirməyinizi diləyirik.