Londonda görməli olduğunuz 10 yer

Qotik memarlığı və bütün əzəməti ilə heyranedici məbəd olan Vestminster abbatlığı Birləşmiş Krallığın ən mühüm dini tikililərindən biridir. 1066-cı ildən Britaniya kral ailəsinin tacqoyma mərasimlərinin keçirildiyi kafedral Britaniya tarixində iz qoyan Elizabet York və Geoffrey Chaucer kimi şəxsiyyətlərin məzarı da olmaqla öz əhəmiyyətini qoruyur.

Londonun görməli yerlərindən biri olan Tauer körpüsü 1894-cü ildən fəaliyyət göstərir. Bask üslubunda inşa olunmuş körpü bu üslubda inşa olunan körpülər arasında ən məşhurudur. Temza çayı üzərində yerləşən, 65 metr hündürlüyündəki bu körpüdə xatirə şəkilləri çəkə bilərsiniz.

Müqəddəs Paul Katedrali İngiltərənin paytaxtı Londonun ən yüksək nöqtəsində, Ludgate təpəsində yerləşir. Müqəddəs Pavel Katedralinin altında suvenirlər ala biləcəyiniz mağaza və istirahət edə biləcəyiniz kafe var. Katedrali gördükdən sonra Millenium körpüsündən keçib Teyt Modernə çata bilərsiniz.

Dünyanın ən müasir incəsənət kolleksiyalarından birinə sahib olan Teyt Modern xüsusi memarlığı ilə də tanınır. Teyt Modern müasir sənət həvəskarları ilə müxtəlif elm sahələrinin əhəmiyyətli sənət əsərlərini bir araya gətirir. Müqəddəs Pavel kafedralına yaxın yerləşən Teyt Modern muzeyi Londonda ziyarət ediləcək yerlər siyahısında mütləq olmalıdır.

Britaniya muzeyini Londonun digər mühüm muzeyi olan Milli Qalereyadan fərqləndirən ən mühüm xüsusiyyət incəsənət muzeyi olmaqla yanaşı, həm də burada antropoloji əhəmiyyətli əsərlərin yer almasıdır. Bloomsbury bölgəsində yerləşən Britaniya muzeyi 13 milyondan çox artefaktla bəşəriyyətin inkişafını əks etdirir. Qeyd edək ki, 1753-cü ildən fəaliyyətdə olan Britaniya muzeyini hər il 6 milyon insan ziyarət edir və muzeyə giriş pulsuzdur.

Düşünürük ki, Artur Konan Doyl tərəfindən yaradılan dünyanın ən məşhur detektivi Şerlok Holmsun Beyker küçəsi 221B ünvanında yerləşən evi Londonda ziyarət ediləcək yerlər siyahısındakı ən rəngarəng ünvanlardan biridir. Muzey hər gün 09:30-dan 18:00-a kimi acıqdır. Muzeydə pulsuz foto və video çəkilişə icazə verilir.

Hündürlüyü 135 metr və eni 90 metr olan Londonu az qala quş baxışı ilə görə biləcəyiniz London gözü 1999-cu ildə tikildiyi zaman dünyanın ən hündür dönmə çarxı idi.

1791-ci ildə əsası qoyulan və o vaxtdan bəri səyahət sevərlərin məşhur məkanı olan Camden Town Londonda ziyarət etmək üçün ən xoş yerlərdən biridir. Fikrimizcə, çoxlu mağazalar, kafelər, barlar və canlı musiqinin olduğu “Camden Town”a mütləq getməlisiniz.

Avropanın ən işlək alış-veriş küçələrindən biri Oksford küçəsidir. 300-dən çox mağazanın yerləşdiyi Oksford küçəsi milyonlara ziyarətçini qəbul edir. Alış-verişi sevsəniz də, sevməsəniz də, bu küçəni Londonda görməli yerlər siyahısına mütləq əlavə etməlisiniz.

Kovent-Qarden Londonun mərkəzində yerləşən bir əyləncə və alış-veriş bölgəsidir. Burada həm lüks butiklər, həm də yerli sənətkarların mağazalarını tapa bilərsiniz. Kovent-Qarden maraqlı hədiyyələr, suvenirlər və əl işi məhsullar axtarışında olanlar üçün ideal bir yerdir. Bundan əlavə, küçə sənətçilərinin çıxışlarını izləyə bilər, müxtəlif kafe və restoranlarda ləzzətli yeməklərdən zövq ala bilərsiniz.