Biznes Sinifdə daha rahat və sərbəst səyahət edin.
“Azərbaycan Hava Yolları” aviainin Biznes Sinfi, Sizə hansı ölkəyə səyahət etdiyinizdən asılı olmayaraq, uçuş boyu özünüzü daha rahat və sərbəst hiss etmək imkanı verəcəkdir.
Biznes Siniflə uçarkən Siz aşağıdakı üstünlüklərdən faydalanacaqsınız:
İşləmək və dincəlmək üçün daha geniş məkan, ayaqlarınız üçün əlavə geniş yer və daha çox açılan oturacaqlar
Hava limanında növbəsiz qeydiyyat və hava gəmisinə növbəsiz minik
Heydər Əliyev Beynəlxalq Aeroportunda Terminal 1-də AZAL lounge-a daxil olub sürətli qeydiyyatdan keçərək baqajı təhvil vermə üstünlüyü Heydər Əliyev Beynəlxalq Aeroportunda Terminal 1-də gediş zamanı xüsusi zolaqdan keçid, gəliş zamanı isə fast track xidmətindən istifadə imkanı
Biznes sinfə məxsus gözləmə zalları xidməti təklif edən hava limanlarında bu zallara keçid imkanı
-Biznes sinfində daha çox pulsuz daşınan baqaj normasından yararlana bilərsiniz. Ətraflı məlumat üçün veb-saytımızın “Ödənişsiz daşınan baqaj” bölməsinə keçid edə bilərsiniz: https://portal.azal.az/az/information/baggage/free/
Sərnişinlərə yeməklə yanaşı, şampan, viski, konyak, araq, cin, pivə, likör, sərinləşdirici, xarici və yerli şərablar kimi spirtli və alkoqolsuz içkilərin geniş çeşidi təklif olunur. Uçuş zamanı müxtəlif isti içkilər də təqdim edilir.
Səyahət müddətindən asılı olaraq uçuşunuza ən azı 24 saat qalmış Sizin pəhriz ehtiyaclarına cavab verən xüsusi yeməkləri öncədən sifariş verə bilərsiniz.
Ətraflı məlumat üçün veb-saytımızın “Təyyarədə qidalanma” bölməsinə keçid edə bilərsiniz: https://azal.az/az/aboard/meals/
Uçuş boyu geniş çeşiddə ən son və klassik filmlər, audio yazılar, TV proqramlarını izləyə və ya musiqi dinləyə bilərsiniz.
Uzunmüddətli uçuşlarda yüksək keyfiyyətli gigiyenik, kosmetik vasitələr və aksessuarların olduğu səyahət dəsti, 6 yaşdan az uşaqlara yumşaq oyuncaq, 6-10 yaşa kimi olan uşaqlara isə uşaq dəsti təqdim olunur.
"Azərbaycan Hava Yolları" öz sərnişinlərinə Azərbaycan nəşrləri təqdim edir, nəşrlərin seçimi reysin istiqamətindən asılı olaraq sərnişinlərə təklif olunur.